હિમાચલમાં બરફવર્ષા શરૂ; MPમાં તાપમાન 5 ડિગ્રી વધ્યું, કાશ્મીરમાં પાંચ ફુટ સુધી બરફ જામ્યો

કાશ્મીર અને હિમાચલમાં બરફવર્ષાથી સ્થાનિક લોકોને ઘણી તકલીફ પડી રહી છે. બન્ને રાજ્યોના ઘણા જિલ્લામાં ભારે પવન ફુંકાવા અને બરફ પડવાથી વીજ પુરવઠો ખોરવાયો છે. આ તરફ મધ્યપ્રદેશમાં હવે ઠંડીની અસર ઘટવા લાગી છે. મધ્યપ્રદેશમાં તાપમાન 5 ડિગ્રી વધીને 29.6 ડિગ્રી પર પહોંચી ગયું છે. રાજસ્થાનમાં 4 દિવસ ધુમ્મસ રહેવાનો અંદાજ છે.

કાશ્મીરઃ બરફવર્ષાથી જીવન થોભ્યું, સેકડો પર્યટક ફસાયા
બરફવર્ષા પછી કાશ્મીર ઘાટીમાં જનજીવન અસ્ત વ્યસ્ત થઈ ગયું. અહીં પાંચ ફુટ જેટલો બરફ જામી ગયો છે. 3 જાન્યુઆરીથી શ્રીનગર જતી તમામ ફ્લાઈટ રદ્દ છે. 300 કિમી લાંબા જમ્મુ-કાશ્મીર નેશનલ હાઈવે પર ટ્રાફિક બંધ છે. જામમાં 6000 લોડેડ ટ્રક અને યાત્રિ વાહન ફસાયા છે. હજારો પર્યટક પહલગામ, ગુલમર્ગ, શ્રીનગરમાં ફસાયા છે. બરફવર્ષા પછી ઉત્તર-દક્ષિણ જિલ્લામાં પાવર લાઈનના બ્રેકડાઉનથી વીજ પુરવઠો ખોરવાયો છે.અહીંયા ઓટોમોબાઈલ અને જમવાનું બનાવવાના ઈંધણનું રાશનિંગ આપવાનો આદેશ આપાવમાં આવ્યો છે. ટૂવ્હીલર વાહન 3 લીટર સુધી ઈંધણ લઈ શકે છે, ખાનગી કાર 10 લીટર અને કોમર્શિયલ વાહનને 20 લિટર મળી શકે છે.

શ્રીનગર સરોવરમાં જામી ગયું

મધ્યપ્રદેશમાં દિવસનો પારો 5 ડિગ્રી વધ્યો
ભોપાલમાં હવામાનનું વલણ બદલાઈ રહ્યું છે. દિવસમાં ઠંડી નથી. બુધવારે દિવસનો પારો સામાન્ય કરતા 5 ડિગ્રી વધુ 29.6 ડિગ્રી પર પહોંચી ગયો છે. 5 વર્ષ પછી જાન્યુઆરીનો આ સૌથી ગરમ દિવસ રહ્યો. હવામાન વૈજ્ઞાનિકોના જણાવ્યા પ્રમાણે શુક્રવાર અને શનિવારે વાદળ છાયા વાતાવરણ અને માવઠાના અણસાર છે.

ભોપાલના અચારપુરાથી શહેર તરફ જતી વખતે ક્લિક કરવામાં આવેલી તસવીર

રાજસ્થાનમાં 4 દિવસ ધુમ્મસ છવાશે, આબુમાં પારો માઈનસ 3.5 ડિગ્રી
રાજ્યના ઘણા વિસ્તારમાં બુધવારે એક પછી એક પારો ગગડ્યો. રાતે ક્યાંક ક્યાંક વરસાદ પણ પડ્યો. જેનાથી ઠંડી વધી. માઉન્ટ આબૂમાં તાપમાન ફરી માઈનસ 3.4 ડિગ્રી નોંધાયું. જોધપુર, જેસલમેપ, પાલી અને ઉદેયપુરનો પારો પણ 10 ડિગ્રીથી નીચે આવી ગયો. હવામાન વિભાગે 9 જાન્યુઆરી સુધી ભરતપુર,જયપુર અને બીકાનેર સંભાગના ઘણા જિલ્લામાં ધુમ્મસ છવવાનું અનુમાન લગાવ્યું છે.

માઉન્ટ આબૂમાં ફુલ પર જામ્યો બરફ

ઝારખંડમાં 10 જાન્યુઆરી સુધી વાદળ છવાયેલા રહેશે, ઝરમર વરસાદના અણસાર
રાંચીમાં બુધવારની સવારથી જ આકાશમાં વાદળ છવાયેલા રહ્યાં. ક્યાંક-ક્યાંક ઝરમર વરસાદ પણ થયો. હવામાન વૈજ્ઞાનિકોના જણાવ્યા પ્રમાણે, 10 જાન્યુઆરી સુધી રાંચી સહિત આસપાસના વિસ્તારમાં વાદળ છવાયેલા રહેશે. અમુક વિસ્તારમાં હળવો ઝરમર વરસાદ પણ પડી શકે છે.બુધવારે રાંચીનું મેક્સિમમ તાપમાન 30.2 ડિગ્રી રેકોર્ડ થયું.

રાંચીમાં બુધવારે બપોર પછી વાદળ ઘેરાયા.

હરિયાણામાં ધુમ્મસ છવાશે, 11 થી 13 સુધી શીતલહેર
ઘણા જિલ્લામાં સતત ચોથા દિવસે પણ વરસાદ સાથે હરિયાણાના ગુડગામમાં બરફ પણ પડ્યો હવામાન વૈજ્ઞાનિકોના જણાવ્યા પ્રમાણે 9 જાન્યુઆરી સુધી ધુમ્મસ છવવાનો અંદાજ છએ. 8 જાન્યુઆરીએ વાદળ પણ છવાઈ શકે છે. 11થી 13 જાન્યુઆરી સુધી ઘણા વિસ્તારમાં શીતલહર થવાનો પણ અંદાજ છે.

હિમાચલમાં નેશનલ હાઈવે સહિત 331 રસ્તા બંધ
હિમાચલમાં બુધવારે થયેલી બરફવર્ષા પછી લોકોની મુશ્કેલીઓ વધી ગઈ। રાજ્યમાં 2 નેશનલ હાઈવે સહિત 331 રસ્તાઓ અને અટલ ટનલ બંધ છે. ઘણા વિસ્તારમાં વીજળી પણ બંધ રહી. હવામાન વિભાગે જણાવ્યું છે કે, 9 જાન્યુઆરી સુધી મેદાની વિસ્તારમાં ધુમ્મસ છવાઈ શકે છે.

તસવીર હિમાચલના લાહોલ-સ્પીતિની છે.

પંજાબમાં વરસાદ અને બરફ, ફરી ઘટશે પારો
છેલ્લા ઘણા દિવસોથી વરસાદ પડવાના કારણે પંજાબમાં દિવસ અને રાતનો પારો વધી રહ્યો હતો. પણ હવામાન વિભાગે રાજ્યમાં ઠંડી ફરી આવે તેવી શક્યતા ગણાવી છએ. બુધવારે જલંધર, પટિયાલા, અમૃતસર અને કપૂરથલા સહિત ઘણા જિલ્લામાં અટકી અટકીને વરસાદ પડતો રહ્યો અને વાદળ છવાયેલા રહ્યાં. પટિયાલામાં સાંજે બરફ પણ પડ્યો.

Download Dainik Bhaskar App to read Latest Hindi News Today

કાશ્મીરમાં ભારે બરફ પડવાથી લોકોના રૂટિન પર અસર પડી રહી છે. આ તસવીર બુધવારની છે.

from Divya Bhaskar https://ift.tt/3oooEu7