દિલ્હીમાં, Chief Election Commissioner of India (CEO) જ્ઞાનેશ કુમાર સહિત ચૂંટણી પંચના વરિષ્ઠ અધિકારીઓની રાજ્ય ચૂંટણી અધિકારીઓ સાથે બુધવારે બેઠક ચાલી રહી છે. આ બેઠકમાં, દેશભરમાં મતદારોની યાદીનું સ્પેશિયલ ઇન્ટેન્સિવ રિવિઝન (SIR) એટલે કે મતદાર ચકાસણી કરવાની તૈયારીઓ પર ચર્ચા કરવામાં આવી રહી છે. કમિશને કહ્યું છે કે બિહાર પછી, SIR સમગ્ર દેશમાં લાગુ કરવામાં આવશે. તે આ વર્ષના અંતમાં 2026માં આસામ, કેરળ, પુડુચેરી, તમિલનાડુ અને પશ્ચિમ બંગાળમાં વિધાનસભાની ચૂંટણીઓ પહેલાં શરૂ થઈ શકે છે. તેનો મુખ્ય હેતુ ગેરકાયદેસર ઇમિગ્રન્ટ્સને તેમના જન્મ સ્થળની તપાસ કરીને બહાર કાઢવાનો છે. ફેબ્રુઆરીમાં મુખ્ય ચૂંટણી કમિશનર તરીકેનો કાર્યભાર સંભાળ્યા પછી જ્ઞાનેશ કુમારની આ ત્રીજી બેઠક છે. આ બેઠકમાં, જ્યારે વરિષ્ઠ અધિકારીઓ કમિશનની SIR નીતિ પર પ્રેઝન્ટેશન આપશે, ત્યારે બિહારના મુખ્ય ચૂંટણી અધિકારી SIR લાગુ કરવામાં રાજ્યના અનુભવને શેર કરશે. મંગળવારે અગાઉ, ચૂંટણી પંચે બિહાર ચૂંટણી પંચને મતદારોની ઓળખ માટે આધાર કાર્ડને 12મા દસ્તાવેજ તરીકે સ્વીકારવાનો નિર્દેશ આપ્યો હતો. ચૂંટણી પંચનો આ નિર્ણય સુપ્રીમ કોર્ટના 8 સપ્ટેમ્બરના આદેશ પછી આવ્યો છે. સુપ્રીમ કોર્ટે કહ્યું હતું કે- આધાર ઓળખનો પુરાવો, નાગરિકતાનો નહીં 8 સપ્ટેમ્બરના રોજ સુપ્રીમ કોર્ટે બિહારમાં SIR (મતદાર ચકાસણી) વિરુદ્ધ દાખલ અરજીઓ પર સુનાવણી કરી. કોર્ટે કહ્યું કે આધાર એ નાગરિકતાનું નહીં, પણ ઓળખનું પ્રમાણપત્ર છે. કોર્ટે ચૂંટણી પંચને મતદાર ઓળખ માટે આધારને 12મા દસ્તાવેજ તરીકે સ્વીકારવાનો પણ આદેશ આપ્યો. ન્યાયાધીશ સૂર્યકાંત અને ન્યાયાધીશ જોયમલ્યા બાગચીની બેન્ચે કહ્યું કે, જો આધાર અંગે કોઈ શંકા હોય તો તેની તપાસ કરાવો. કોઈ પણ ગેરકાયદેસર ઇમિગ્રન્ટ્સને મતદાર યાદીમાં સામેલ કરવા માગતું નથી. ફક્ત વાસ્તવિક નાગરિકોને જ મતદાન કરવાની મંજૂરી આપવામાં આવશે. જે લોકો નકલી દસ્તાવેજોના આધારે દાવા કરી રહ્યા છે તેમને મતદાર યાદીમાંથી બાકાત રાખવામાં આવશે.
from ઈન્ડિયા | દિવ્ય ભાસ્કર https://ift.tt/zHYgRju
0 ટિપ્પણીઓ