શુક્રવારે સ્પેશિયલ ઇન્વેસ્ટિગેશન ટીમ (SIT) એ આસામના ફેમસ સિંગર ઝુબીન ગર્ગના શંકાસ્પદ મૃત્યુના સંદર્ભમાં તેમના બે પર્સનલ સિક્યોરિટી અધિકારીઓ (PSO) ની ધરપકડ કરી હતી. ઝુબીન ગર્ગના લાંબા સમયથી સિક્યોરિટી અધિકારીઓ તરીકે ફરજમાં રહેલાં નંદેશ્વર બોરા અને પરેશ વૈશ્ય પર તેમની હત્યાનો આરોપ છે. પોલીસે છેલ્લા ચારથી પાંચ વર્ષમાં તેમના બેંક ખાતાઓમાંથી કુલ ₹1 કરોડથી વધુના ટ્રાન્સેક્શનના સંબંધમાં બંનેની ધરપકડ કરી હતી. આમાંથી ₹70 લાખ બોરાના ખાતામાં અને ₹40 લાખ વૈશ્યના ખાતામાં જમા થયા હતા. બંને અધિકારીઓને પહેલાથી જ સસ્પેન્ડ કરવામાં આવ્યા હતા. સિંગરના મૃત્યુના સંબંધમાં અત્યાર સુધીમાં સાત લોકોની ધરપકડ કરવામાં આવી છે. જેમાં ઝુબીનના કઝીન અને DSP સંદીપન ગર્ગ, મેનેજર સિદ્ધાર્થ શર્મા, કો-સિંગર અમૃતપ્રભા મહંત, નોર્થ ઈસ્ટ ઈન્ડિયા ફેસ્ટિવલના આયોજક શ્યામકાનુ મહંત અને બેન્ડના ડ્રમ માસ્ટર શેખર જ્યોતિ ગોસ્વામીનો સમાવેશ થાય છે. 19 સપ્ટેમ્બરના રોજ સિંગાપોરમાં સ્કુબા ડાઇવિંગ કરતી વખતે ઝુબિન ડૂબી ગયો. ઝુબિન 17 અન્ય લોકો સાથે બોટમાં હતો. ઝુબિન જે કાર્યક્રમ માટે સિંગાપોર ગયો હતો તેનું આયોજન શ્યામકાનુ દ્વારા કરવામાં આવ્યું હતું. સરકાર 17 દિવસ પછી પણ બીજા પીએમ રિપોર્ટ બતાવી રહી નથી ઝુબીન ગર્ગના મૃત્યુની તપાસ માટે આસામ સરકાર પણ તપાસના દાયરામાં આવી ગઈ છે. 23 સપ્ટેમ્બરના રોજ, આસામના મુખ્યમંત્રી હિમંતા બિસ્વા શર્માના નિર્દેશ પર, ગુવાહાટી મેડિકલ કોલેજમાં ગાયકનું બીજું પોસ્ટમોર્ટમ કરવામાં આવ્યું હતું. જોકે, 17 દિવસ પછી પણ રિપોર્ટ જાહેર કરવામાં આવ્યો નથી. મુખ્યમંત્રી કહે છે કે રિપોર્ટ જાહેર કરવાથી તે "કાયદેસર રીતે અમાન્ય" થઈ જશે. સિંગરના પ્રારંભિક પોસ્ટમોર્ટમ રિપોર્ટમાં મૃત્યુનું કારણ ડૂબવું હોવાનું જણાવાયું હતું, પરંતુ હવે બળજબરીથી ડૂબવા, ઝેર આપવા અને નાણાકીય કાવતરાના આરોપોએ કેસને જટિલ બનાવી દીધો છે. તપાસ પ્રક્રિયાને જટિલ બનાવનારા 5 પ્રશ્નો... SITએ અત્યારસુધીમાં 60થી વધુ FIR નોંધી સ્પેશિયલ ઇન્વેસ્ટિગેશન ટીમ (SIT)એ જણાવ્યું હતું કે ઝુબીન ગર્ગના મૃત્યુના સંદર્ભમાં રાજ્યમાં મહંત અને લગભગ 10 અન્ય લોકો સામે અત્યારસુધીમાં 60થી વધુ FIR નોંધવામાં આવી છે. અમૃતપ્રભા સિંગાપોરમાં યોજાયેલા ઉત્તરપૂર્વ ભારત મહોત્સવના મુખ્ય આયોજક હતા. ગુપ્તાએ જણાવ્યું હતું કે સિંગાપોરમાં કરાયેલા પોસ્ટમોર્ટમ રિપોર્ટ પ્રોટોકોલ મુજબ પરિવારને આપવામાં આવશે. સિંગાપોરની તપાસ ટીમે પણ કાર્ય હાથ ધર્યું હતું અને પરિવારનો સંપર્ક કર્યો હતો. ગુવાહાટીમાં કરવામાં આવેલા બીજા પોસ્ટમોર્ટમના રિપોર્ટની રાહ જોવાઈ રહી છે. વિસેરાના નમૂનાને વિગતવાર તપાસ માટે દિલ્હીની સેન્ટ્રલ ફોરેન્સિક લેબમાં મોકલવામાં આવ્યા છે. ગુપ્તાએ જણાવ્યું હતું કે વિસેરા રિપોર્ટ પ્રાપ્ત થયા પછી પોસ્ટમોર્ટમ રિપોર્ટ તૈયાર થઈ જશે અને અમને ઉપલબ્ધ થશે. વિસેરા સેમ્પલ એ શરીરનાં આંતરિક અંગો, જેમ કે આંતરડાં, લિવર, કિડની વગેરેમાંથી લેવામાં આવતો નમૂનો છે, જે મૃત્યુનું સાચું કારણ જાણવા માટે પોસ્ટમોર્ટમ દરમિયાન લેવામાં આવે છે. ઝુબીને 38,000 ગીત ગાયાં હતાં ઝુબીનનો જન્મ 18 નવેમ્બર, 1972ના રોજ આસામના તિનસુકિયા જિલ્લામાં થયો હતો. તે આસામી અને હિન્દી ફિલ્મ ઈન્ડસ્ટ્રીમાં સિંગર, સંગીતકાર, ગીતકાર, એક્ટર અને ડિરેક્ટર હતો. તેણે આસામી, હિન્દી, બંગાળી અને અંગ્રેજીમાં ગીતો ગાયાં હતાં.
from ઈન્ડિયા | દિવ્ય ભાસ્કર https://ift.tt/BY8Fx9P
0 ટિપ્પણીઓ